Тачи со поддршка на парламентарното мнозинство-ДПА нема да го блокира Собранието
Објавено во: Македонија 10 Април, 2017
Лидерот на ДПА, партијата која освои само два пратенички мандати на парламентарните избори во декември вели дека СДСМ и парламентарното мнозинство ја имаат нивната поддршка.
Мендух Тачи за Лајм вели дека мнозинството од 67 пратеници за ДПА е апсолутно легитимно.
„Според нас одлуките на Иванов и ова што го прави ВМРО-ДПМНЕ во Собранието претставува суспендирање на основите принципи на демократијата, директно газење на Уставот и законите. Ние со гласовите што ги имаме освоено ќе го поддржиме мнозинството од 67 пратеници“, вели Тачи.
Првиот човек на ДПА тврди дека ова мнозинство исто така има апсолутна поддршка од пратениците на ДПА кога станува збор за евроинтеграциските процеси, за кои од СДСМ тврдат дека се приоритет, како и за унапредувањето на правата на Албанците, макар тоа било милиметар по милиметар.
„Сакам да бидам јасен, овие два пратеника на ДПА се во легитимната 69-ка, и секогаш ќе бидат. Доколку 67-те пратеници направат влада, може да се случи некој да го бојкотира Собранието, но тоа нема да бидеме ние“, посочува Тачи