29 Мај, 2020
0.0275

Сточарите од Дебар и Жупа се загрижени за извозот на јагнињата

Објавено во: Македонија, Агробизнис, Корона Вирус 19 Март, 2020

Сточарите од Дебар, и Центар Жупа, општини каде е прогласена кризна состојба поради заразени со коронавирусот, се загрижени што ќе се случи со извозот на јагнињата.

Ги плаши целата ситуација околу ширење на заразата,  рестрикции и затворање на граници, а македонското јагне најчесто се извезува за Италија, земја која е најпогодена од вирусот. По Италија, Хрватска и Грција важеа за земји кои го бараат македонското јагне.

Скендер Аме од Здружението на сточари Даши од Дебар вели дека во двете општини имаат околу 30.000 јагниња, од кои 20.000 треба да се продадат.

„Цела зима сточарите даваат, сега треба да земаат пари од она што го сработеле, да купуваат репроматеријали. Не знаеме што ќе се случува. За недела дека би требало да се случи шпицот со извозот на јагниња,  а истиот треба да заврши за 20 дена“, вели Аме.

Додава дека дел од сточарите во регионот на Дебар и Центар Жупа се при крај со резервите на храна за добитокот, или пак овчарите им заминале, а по затворање на границите не можеле да се вратат назад.

Во Дебарско има околу 120 сточари, кои имаат 40.000 грла овци.

Министерството за земјоделство, шумарство и водостопанство, ја следи состојбата со појавата на вирусот КОВИД 19 во нашата земја и влијанието врз земјоделството.

„Во тој контекст, знаеме дека за околу 10-тина дена е шпицот за извозот на македонското јагне на странските пазари и дека Италија е еден од клучните наши увозници на јагне. Со оглед на случувањата во Италија со вирусоткорона, доколку не може во оваа земја да се направи извоз, веќе разговараме и сме во комуникација со компаниите за барање на алтернативни пазари за извоз на македонското јагне. Нашата намера како ресорно министерство е јагнето да биде извезено, и ќе ги направиме сите обиди доколку не може во Италија нашето јагне да се извезе во други земји. Транспортот на стока не е забранет и ќе се одвива под посебни безбедносни протоколи. Но, со оглед на тоа дека не можеме да предвидиме што ќе се случува со ширењето на вирусот корона, какви мерки ќе преземаат останатите држави, доколку се случи да не се реализира целосно извозот, МЗШВ со соодветни мерки ќе им помогне на сточарите да ги покријат загубите, коишто секако ќе бидат донесени заеднички и во комуникација со сточарите и откупувачите на јагне. МЗШВ апелира до сите земјоделци, да ја имаат во предвид моменталната состојба со ширењето на вирусот КОВИД 19 во нашата држава и последиците што би можело да ги има земјоделството“, одговараат од МЗШВ.

Велат дека ќе бидат во постојана комуникација со сите земјоделци и стопанственици од агросекторот, со цел навреме да се носат мерки и да не трпат загуби.

Сања Атанасовска

Можеби ќе ве интересира

ЖЕЛЕЗНИЧКА НЕСРЕЌА: Воз кој сообраќал од Битола кон Скопје удрил во возило

ЖЕЛЕЗНИЧКА НЕСРЕЌА: Воз кој сообраќал од Битола кон Скопје удрил во возило

СТРАЗБУР ПРЕСУДИ: Да се регистрира здружение на Македонците во Бугарија

СТРАЗБУР ПРЕСУДИ: Да се регистрира здружение на Македонците во Бугарија

ФАКТОР НА ДЕНОТ: Kaфулињата почнаа со работа, а короната однесе жртва и меѓу здравствените работници

ФАКТОР НА ДЕНОТ: Kaфулињата почнаа со работа, а короната однесе жртва и меѓу здравствените работници

Кога Македонија ќе ги отвори границите?

Кога Македонија ќе ги отвори границите?

ЗНМ најостро ги осудува заканите кон новинарската екипа на ТВ Клан

ЗНМ најостро ги осудува заканите кон новинарската екипа на ТВ Клан

Пауновски: Келнер ќе може да ви побара лична карта на маса

Пауновски: Келнер ќе може да ви побара лична карта на маса

ДАЛИ Е ИЗБРЗАНО ПЕНЗИОНЕРИТЕ ОД УТРЕ ДА СЕ ВРАТАТ НА БЕСПЛАТНИОТ ПРЕВОЗ - од ЈСП велат, треба да се свесни за опасноста

ДАЛИ Е ИЗБРЗАНО ПЕНЗИОНЕРИТЕ ОД УТРЕ ДА СЕ ВРАТАТ НА БЕСПЛАТНИОТ ПРЕВОЗ - од ЈСП велат, треба да се свесни за опасноста

ЌЕ СТАНЕМЕ ЛИ „РЕДОВНИ“ ОД ПРВИ ЈУНИ ИЛИ ЌЕ ПРОДОЛЖИ ВОНРЕДНАТА СОСТОЈБА - шефот на државата ќе одлучи во сабота

ЌЕ СТАНЕМЕ ЛИ „РЕДОВНИ“ ОД ПРВИ ЈУНИ ИЛИ ЌЕ ПРОДОЛЖИ ВОНРЕДНАТА СОСТОЈБА - шефот на државата ќе одлучи во сабота

ФОТОГАЛЕРИЈА: Скопјани навалија на кафе и пиво

ФОТОГАЛЕРИЈА: Скопјани навалија на кафе и пиво