Добивај вести на Viber
Една од најголемите вести на Волстрит во последно време е тоа што банките го намалија бројот на работни часови на помладите и неискусни вработени.
Банките станаа предмет на критики поради долгите часови на работа , на кои ги подложуваат , откако 21-годишниот стажант во Bank of America, Мириц Ерхард, почина минатото лето . Според непотврдени информации, пред да почине, Ерхард работел неколку ноќи без одмор.
Goldman Sachs , Bank of America , JPMorgan и Credit Suisse почнаа да ги доделуваат саботите за помладите вработени како викенди. Поранешни стажанти на Волстрит пак сведочеле за Wall Street Journal дека работеле над 100 часа неделно. Овие стажанти кои сакале да здивнат за малку во текот на денот , требало да манифестираат креативност.
Некои од стажантите во Barclays споделиле пред WSJ дека дремат скришум во тоалетите во канцеларијата. Тие го нарекувале ова " тоалет дремка".
Стажантите кои работеле во текот на летото во Barclays во Хонг Конг во 2011 година , откриваат дека исцрпени од долгите часови работа , се протнувале во тоалетите , ставале слушалки од своите смартфони и го дотерувале алармот , за да украдат неколку вредни минути спиење.
Портпаролот на Barclays одби да коментира , но рече: "Ние постојано ја оценуваме нашата аналитичката програма , за да се осигураме дека таа нуди предизвикувачко и заслужено, но во исто време и избалансирано искуство".
А.А.