СТАТИСТИКА ОБЈАВИ: Колку изнесуваше просечната нето плата во април?
Објавено во: Економија 22 Јуни, 2016
Во април годинва просечната месечна исплатена нето-плата по вработен изнесуваше 22.356 денари.
Бројките покажуваат раст од 2,8% во однос на април лани, објави денеска Државниот завод за статистика.
Зголемување на платите има во секторите: уметност, забава и рекреација за 30,7 %, градежништво 12,7% и стручни, научни и технички дејности за 12,1%.
Зголемување на просечната месечна исплатена нето-плата по вработен, во однос на претходниот месец, е забележано во секторите: уметност, забава и рекреација за 35,1%, стручни, научни и технички дејности 8,8% и финансиски дејности и дејности на осигурување 5%.
Просечната месечна бруто плата по вработен во април годинава изнесувала 32.794 денари и бележи зголемување од 2,7%.
Во април 1,3% од вработените во државата не земале плата.
Просечната месечна исплатена нето-плата по вработен, во март 2016, изнесуваше 22 053 денари, а во февруари годинава изнесува 21.813 денари.
Иако постои раст на платите, сепак повеќе анализи покажуваат дека на Балканот Македонија има најниски плати и може да се спореди само со Србија која е во слична состојба.
Платата во овој износ не е доволна за четиричлено семејство, ниту за потрошувачката кошничка.