Српската влада ќе биде формирана најдоцна до 25 април
Објавено во: Балкан 06 Април, 2014
На 24 или 25 април ќе биде формирана новата српска влада и истата ќе има најмногу 19 членови, соопшти лидерот на Српската напредна партија Александар Вучиќ, чија победи на предвремените парламентарни избори.
На изборите одржани на 16 март, СНС освои 48,34 проценти од гласовите, што и обезбеди 158 пратенички места од 250-члениот Парламент.
Од утре ќе почнат разговори со парламентарните партии за состав на нова влада, почнувајќи со Иштван Пастор од Унијата на Унгарците во Војводина. Планирани се разговори и со социјалистот Ивица Дачиќ и демократот Борис Тадиќ, најави Вучиќ.
Главен предизвик на идната влада ќе биде спроведување на структурни реформи, драматични економски потези во јавниот сектор и агресивно зајакнување на приватниот сектор.
Конституирањето на српскиот парламент се очекува да биде на 16 или 17 април, а претседателот на Србија Томислав Николиќ најави дека по конституирањето ќе следат разговори со претставници на партиите, по што ќе му го додели мандатот за состав на влада на Вучиќ. Собранието мора да ја избере владата најдоцна за три месеци.