Српска листа: Бараме истрага за убиството на најмалку двајца Срби, кои беа ладнокрвно убиени иако се предадоа
Објавено во: Балкан 25 Септември, 2023 20:00
Српска листа бара КФОР и ЕУЛЕКС итно да бидат распоредени на север и да се спречи понатамошна ескалација.
Најголемата српска партија на Косово, им изрази сочувство на семејствата на убиените Срби и на косовската полиција.
Во пукањето меѓу вооружената група и косовската полиција вчера загина полицаецот Африм Буњаку, а неколкумина беа ранети. Косовските власти соопштија дека во манастирот во Бањска се убиени четворица напаѓачи.
„Бараме истрага за убиството на најмалку двајца Срби, кои беа ладнокрвно убиени иако се предадоа. Ја прашуваме меѓународната заедница зошто ЕУЛЕКС не учествуваше во операцијата, туку само полицијата на косовскиот премиер Аљбин Курти?“, објави листата на Српска без да наведува докази во поткрепа на овие тврдења.
Во едно од возилата од вчерашниот напад во северно Косово се најдени документи на потпретседателот на Српска листа, Милан Радојичиќ.
Радојичиќ е на црната листа на САД, но и е осомничен за убиството на косовско-српскиот политичар Оливер Ивановиќ, јави дописникот на МИА од Приштина.Амбасадата на Соединетите Американски Држави во Србија ги осуди координираните насилни напади врз косовската полиција во близина на манастирот Бањска. Бараат Србија и Косово да се вратат на дијалогот.
Можеби ќе ве интересира
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
Протест на земјоделците во Солун, граничните премини Евзони и Ники засега остануваат отворени
Тешки метали се откриени во керамички шолји во соседството
(ВИДЕО) Вучиќ добил порака од Москва - како реагираше Фон дер Лајен?
