Средба Заев - Хан во Виена
Објавено во: Македонија 20 Мај, 2019
Премиерот Зоран Заев треба да се сретне со еврокомесарот за проширување Јоханес Хан на Виенскиот економски форум под наслов „Виенски економски разговори – нови перспективи за Република Северна Македонија“.
Средбата на Заев и Хан доаѓа во време кога земјата очекува добивање Датум за преговори со Европската унија во периодот јуни/јули.
Во владината делегација ќе учествуваат уште и вицепремиерот задолжен за економски прашања, Кочо Анѓушев, министерот за финансии Драган Тевдовски, како и министерот за образование и наука Арбер Адеми.
На форумот кој е специјално организиран за Македонија предвидени се и средби со претставници на реномирани австриски компании.