Средба на земјоделците во Струмица, ќе се разговара за договореното производство
Објавено во: Агробизнис 08 Февруари, 2013
Заменик-министерот за земјоделство, шумарство и водостопанство Зоран Коњановски денеска замина за Струмица каде ќе се обрати на работната сесија за договорено производство.
На средбата ќе се разговара за воведување на договореното производство, јакнење на дијалогот меѓу производителите и преработувачите и јакнење на вредносниот ланец на преработка на зеленчук на локалниот, регионалниот и меѓународниот пазар.
Покрај Коњаноски, на сесијата ќе присуствуваат претставници од Федерацијата на фармери, од Македонската асоцијација на преработувачи и земјоделци од струмичкиот регион.