СРЕДБА НА ПАРТНЕРИТЕ: Заев и Ахмети ќе зборуваат за „метлата“
Објавено во: Македонија 21 Мај, 2019
Попладнево во Владата средба е најавена меѓу премиерот и лидерот на ДУИ Али Ахмети.
Како што е најавено двајцата коалициски партнери ќе разговараат за кадровски промени во извршната власт.
– Иако симболиката дојде од зборот „метла“, сепак, се работи за луѓе професионалци. Зборуваме за ароганција, за неисполнување на очекувањата од одредени институции и зборуваме за немукаетност или неможност да се постигнат очекуваните цели кои граѓаните ги очекувале. Значи зборуваме за личности, не зборуваме за припадници на политички партии или професионалци кои се во Владата. Сите оние кои покажале слабост од ваков карактер вредно е да се размислува да бидат променети со други луѓе, изјави Заев по дебатата за нацрт текстот на Националната стратегија за развој на коцептот за едно општество и мултикултурализам.