Србија го враќа работното време од 7:30, нема службени автомобили за министрите

Добивај вести на Viber

Српската Влада одлучи да работи и на 1-ви Мај и притоа да донесе неколку крупни одлуки. Така, согласно одлуките на новата Влада на Александар Вучиќ, работниот ден на органите на државната управа ќе започнува порано - од 7:30 часот и ќе трае до 15:30 часот. Одлуката важи за министерствата, посебните организации и служби на Владата, републичкото јавно правобранителство и јавните агенции, а има за цел да се постигне подобра и поефикасна организација на работното време. Освен ова, Владата донела одлука дека во иднина право на постојано користење на службено возило од висока класа имаатсамо претседателот на Србија, претседателот на Парламентот, претседателот и потпретседателите на Влада, претседателот на Уставниот суд и претседателот на Врховниот касационен суд на Србија. Пропишан е и начинот на кој можат да се користат службените возила, со цел да се постигнат максимални заштеди и да се обезбеди ефикасност во работата. Српската Влада донела заклучок и да го прогласи проектот „Белград на вода“ за проект од посебно значење за Србија. На ваквите одлуки реагираше Здружениот синдикат Слога, кој изрази протест затоа што Владата одлучила да заседава на неработен ден и притоа да носи такви важни одлуки како што е онаа за промена на работното време.