Добивај вести на Viber
Српските власти како неповолна ја оценија одлуката на официјална Москва да се откаже од изградбата на гасоводот Јужен тек. Шефот на српската дипломатија Ивица Дачиќ вели дека се надева оти со дополнителни разговори сепак ќе дојде до договор меѓу Русија и ЕУ за изградба на гасоводот, кој требаше да поминува и низ српска територија.
По расправата за Западниот Балкан во Европскиот парламент Дачиќ изјавил дека проектот Јужен тек е многу важен за Србија, бидејќи нема алтернативен правец за снабдување, освен оној од Украина.
„Граѓаните на југоисточна Европа имаат исти права како и оние во средна и северна Европа, кои направија сличен таков аранжман со Русија. Бараме рамноправен третман“, вели Дачиќ. Тој нагласува дека Србија со запирање на проектот губи огромни зделки за негова изградба, но ги губи и приходите од работата на Јужниот тек.
Затоа Белград бара уште еднаш да се преиспита можноста за изградба на овој гасовод, во кој веќе се вложени огромни внимание и труд.