Спасовски: Фронтекс набрзо и на нашата граница

Добивај вести на Viber

Имаме мирна, стабилна, поволна безбедносна состојба во Република Северна Македонија и очекуваме дека таквиот тренд ќе продолжи и понатаму, оцени минстерот за внатрешни работи Оливер Спасовски при денешниот престој во Дебар.

Посочи дека следува период на полноправно членство на Македонја во НАТО, нешто што е од историско значење за остварување на нашите национални интереси и оти очекуваме многу скоро отворање на преговорите за членство во ЕУ.

-Едноставно европските стандарди ќе бидат дел од нашето живеење а со вложувањата во македонската полиција во обука и во опремување очекуваме навистина да јакне и можноста за зголемување на безбедноста во државата и со тоа да прдонесеме и за безбедноста на регионот- кажа Спасовски.

Тој зборуваше за добрата соработка со полициите односно министерствата за внатрешни работи не само од соседните земји туку и земјите од ЕУ.

-Ние во последните неколку години имаме многу зајакната меѓународна соработка не само со наште соседи, туку со сите полиции од регионот, со сите министерства од регионот, меѓутоа и одлична соработка со земјите членки на ЕУ. Генерално има многу безбедносни предзвици кои што стојат пред нас, пред се, тероризмот, миграцијата, транснационалниот криминал, органзираниот криминал, корупцијата, сето тоа бара заеднички пристап, рече мнстерот Спасовски.