СО ОВР КАВАДАРЦИ ЌЕ РАКОВОДИ ЖЕНА - Благица Кицева е новата началничка на одделението
Објавено во: Македонија 10 Април, 2021
Одделението за внатрешни работи во Кавадарци, наместо началник како вообичаено, доби жена на челната позиција.
На чело на ОВР Кавадарци доаѓа Благица Кицева, која досега била инспектор за превенција во ОВР Кавадарци.
Веста за поставувањето на Кицева ја објави Магдалена Несторовска, државен секретар во Министерството за внатрешни работи.
„Денес, министерот Оливер Спасовски постави жена, за началничка на ОВР Кавадарци.
Честитки за Благица Кицева, новата началничка!
Бројот на жени на високи оперативни позиции во македонската полиција, се зголемува!!“, напиша Несторовска на својоѕ фејсбук профил.