Со 149 места во парламентот, Сириза бара коалиционен партнер
Објавено во: Балкан 26 Јануари, 2015
Со освоени 149 места во грчкиот патламент Сириза ќе мора да бара колициски партнер зашто за формирање на влада се потребни 151 место. Гласовите се речиси целосно преброени и како што јавуваат медиумите идниот премиер Алексис Ципрас денеска треба да се сретне со со Панос Каменос, лидерот на Независни Грци и со Ставрос Теодоракис, лидерот на Потами.
Според обработката од 99,77 отсто од гласовите партијата на Ципрас освои 36,34 отсто од вкупно излезени 63,84 отсто од гласачите. Партијата на Андонис Самарас , Нова демократија со 27.81 отсто подршка од гласачите ќе има 76 места во парламентот. Во парламентот влегуваат и Златна зора со 17 места, Потами со 17 места, Комунистичката партија на Грција со 15 места, ПАСОК со 13 места и Независни Грци со 13 места, информираат агенциите. Ципрас сношти во Атина изјави дека грчкиот народ им дава „јасен и силен мандат“. „Грција врти страница, зад себе го остава штедењето кое доведе до уништување, стравот и авторитаризмот, и после пет години понижувања и страдања продолжува со стабилни чекори во Европа која се менува... Пресудата на грчкиот народ ја прати 'тројката' во историјата на нашата заедничка европска рамка“, рече лидерот на Сириза, Алексис Ципрас. Грчкиот премиер Андонис Самарас изјави дека Нова демократија ќе ја почитува одлуката на Грците. 'Тројката' во 2010 година и даде пaкет помош на Грција вреден 240 милијарди евра и во замена наметна мерки за драстично штедење.