Снежана полни 77 години

Добивај вести на Viber

Еден од најпознатите и најгледани цртани филмови на сите времиња, кој и денес децата го гледаат со несмален интерес „Снежана и седумте џуџиња“ денеска го  „слави“ 77-от роденден откако премиерно бил прикажан во 1937 година во Холивуд. „Снежана“ е првиот долгометражен анимиран филм во историјата на филмската продукција во Америка произведен во боја, и прв долгометражен цртан филм во боја во продукцијата на Волт Дизни како и еден од најкомерцијалните цртани филмови на 20 век. На филмот се почнало со работа на почетокот од 1934 година, а во јуни истата година Дизни во Њујорк тајмс најавил производство на својот прв долгометражен анимиран филм. Дизни се соочил со големи проблеми уште на самиот почеток при изработката на филмот, бидејќи неговиот брат и деловен партнер Рој Дизни, како и сопругата Лилијан се обиделе да го одвратат од неговата намера. Сепак Дизни сметал дека на овој начин ќе го зголеми угледот на неговото студио и ќе ги зголеми приходите што и му успеало. Меѓутоа во тоа време за да обезбеди средства бил приморан да ја стави својата куќа под хипотека. Трошоците за снимањето на филмот од педвидените 250 илјади достигнале до 1,5 милиони долари што било огромен износ за филм во тоа време. Познатата приказна за убавата Снежана која успеала да побегне од злобната маќеа и нашла свое прибежиште кај седумте џуџиња во куќичка во шумата, која била екранизирана од браќата Грим, за прв пат била проектирана во кино во 1938 година. „Снежана и седумте џуџиња“ е еден од двата анимирани филмови кој се најде на листата од 100 најдобри американски филмови на сите времиња во Американската филмска продукција во 1997 година, и беше поставен на 49 место. Во 1989 година филмот бил поставен во Националниот филмски регистар и оценет како дело од културно, историски и естетско значење.