Слушале музика и го искасапиле новинарот Кашоги во рок од 7 минути
Објавено во: Свет 27 Ноември, 2018
Убијците го искасапиле новинарот Џамал Кашоги за седум минути, додека слушале музика.
Врз основа на аудио снимките, турското Министерство за надворешни работи информираше дека на убијците на саудискиот новинар Кашоги, им било кажано да слушаат музика додека го убиваат. Еден од убијците уживал во чинот, додаваат од оваа институција.
Министерот за надворешни работи на Турција, Мевљут Чавушоглу, изјави дека лично ја преслушал аудио снимката, на која било забележано убиството.
„Го преслушав тоа. Тој е убиен за седум минути и тоа е направено намерно“, рекол Чавушоглу за германскиот весник „Зидојче цајтунг“.
Слушнал доктор како им предлага на убијците да слушаат музика додека го сечат Кашоги. Едниот од нив, наводно, рекол и дека сака да сече луѓе.
Канцеларијата на Државното обвинителство во Истанбул вчера потврди дека претресите на двете вили во северозападната турска област Јалова се извршени во рамките на истрагата за убиството на новинарот.
Тој исчезна во конузлат во Истанбул на почетокот на октомври. На 20 октомври, саудиските власти објавија дека тој бил убиен по конфликт во зградата на конзулатот. Единаесет лица се обвинети за учество во убиството, а за петмина од нив саудиското обвинителство бара смртна казна. Според Ријад, првичната намери била Кашоги да биде однесен во Саудиска Арабија, а не да биде убиен.