Скопски пазар го заложува имотот
Објавено во: Економија 03 Февруари, 2017
Компанијата Скопски пазар АД Скопје објави дека за хипотека ќе даде во залог недвижен имот со деловен простор вреден речиси 200.000 евра.
- Согласно Нотарски акт ОДУ бр.45/17 од 30.01.2017 година заверен од Нотар Анастасија Петреска, Скопски пазар АД Скопје како заложен должник кон заложниот доверител ПроКредит Банка АД Скопје и должникот Друштво за услуги, трговија на големо и мало МАНИС-МСА ДООЕЛ, експорт-импорт Скопје, согласни се да се заснова заложно право-залог (хипотека) од прв ред врз недвижен имот сопственост на Скопски пазар АД Скопје и тоа:
- Деловен простор со површина од 58 м2 и градежно изградено земјиште со површина од 66 м2 , на КП 13583, 13584, 13585, 13586, 13587, дел 2 , запишани во Имотен лист 47293 КО Центар 1, со вредност од 95.270 ЕУР и,
- Деловен простор со површина од 59м2 м2 , на КП 13583, 13584, 13585, 13586, 13587, дел 1, , запишан во Имотен лист 9140 КО Центар 1, со вредност од 96.912 ЕУР, со цел реализација на купопродажба на недвижен имот помеѓу продавачот -заложен должник СКОПСКИ ПАЗАР АД Скопје и купувачот-должник Друштво за услуги, трговија на големо и мало МАНИС-МСА ДООЕЛ, експорт-импорт Скопје како корисник на кредит од ПроКредит Банка АД Скопје - заложен доверител, а согласно Преддоговор за купопродажба на недвижност заверен од Нотар Џеват Бучи под УЗП 430/2017 од 10.01.2017 година.
По уписот на залогот (хипотека) врз недвижниот имот во Имотниот лист во корист на
заложниот доверител ПроКредит Банка АД Скопје и склучувањето и заверката на конечниот
Договор за купопродажба меѓу продавачот и купувачот на заложениот недвижен имот, при АКН
(катастар) на РМ ќе се изврши и упис на правото на сопственост на недвижниот имот во
корист на купувачот, како и пренос на залогот (хипотека) од продавачот - заложниот должник
Скопски пазар АД Скопје на купувачот - должник Друштво за услуги, трговија на големо и
мало МАНИС-МСА ДООЕЛ, експорт-импорт Скопје.