Скокнаа цените на храната - причина е шеќерот, житарките и маслото
Објавено во: Економија 02 Февруари, 2017
Цените на храната во светот во јануари го достигнаа двегодишниот максимум.
Растот е поттикнат од скокот на цената на шеќерот, извозните цени на житарките и растителните масла.
Овој податок го објави Организацијата за храна и земјоделство при Обединетите нации (FAO).
Ценовниот индекс кој го премсетува FAО и кој ги мери месечните промени на цените во основната кошница производи (житарки, масло, млечни производи, месо и шеќер), порасна во јануари на 173,8 поени од ревидираните 170,2 поени во декември, пренесува агенцијата Ројтерс.
Месечниот раст од 2,1% ги истурка цените на храната на меѓународните пазари на нивното највисоко ниво од февруари 2015 година, и за 16,4% над нивното ниво од јануари лани.
FAO сега прогнозира дека глобалното производство на житарки ќе достигне 2,592 милијарди тони во сезоната 2016/2017 година.
Светските цени на храната во јануари лани се приближија на 7 годишен минимум поради поефтинувањето на речиси сите прехранбени продукти.
Цените на храната се намалија за 19% во 2015 година.
Пред неколку години поради сушата во САД и во Источна Европа, храната поскапе за скоро 10%.