СКАНДАЛОЗНО: Српскиот патријарх за поплавите ги обвини хомосексуалците!

Добивај вести на Viber

Српскиот патријарх Иринеј има свое објаснување за катастрофалните поплави што ја зафатија Србија. Синоќа во Соборната црква во Белград се одржа молитва за да престанат дождовите, на која присуствуваше и српскиот патријарх Иринеј. Тој истакнал дека земјата ја задесила голема неволја со која Бог опоменува и дава на знаење дека без Неговата милост ништо не се може. Но за што е ова предупредување? „Ова не е казна Божја туку опомена да се тргнеме од патот на пороците, злобата и безаконието“, рекол Иринеј и додал дека деновиве во Белград се подготвува „собир кој претставува големо безаконие и ужасен порок, со кој се гордеат и го истакнуваат своето достоинство и демократија, но против Бога и законите на живеењето“. Белградската „Парада на гордоста“ треба да се одржи во периодот од 19 мај до 1 јуни, а ќе ја сочинуваат повеќе едукативни и културни содржини чија цел е да се укаже на општествената положба на ЛГБТ заедницата во Србија. Сеуште е неизвесно дали и овојпат Парадата ќе се одржи, со оглед на тоа што прошетката досега неколкупати беше откажувана или забранувана од безбедносни причини. Изјавата на Иринеј предизвика силни реакции во Србија.