СИРИЗА ТВРДИ: Грција нема да излезе од еврозоната

Добивај вести на Viber

Грција ќе продолжи да биде дел од еврозоната и доколку на предвремените парламентарни избори закажани на 25 јануари победи опозициската СИРИЗА, се вели во соопштението на партијата кое доаѓа по информациите кои се раширија низ цела Европа за неминовно излегување на земјата од еврозоната. По написите во германското списание „Шпигл“ дека Берлин ја признал можноста за излегување на Грција од еврозоната, СИРИЗА беше остро критикувана од страна на грчката Влада, предводена од премиерот Андонис Самарас поради тоа дека наводно таа ја почнала кампањата со закани за излегување на земјата од еврозоната. Грчката опозициска партија СИРИЗА во декларација наведува дека единствено Самарас се осмелил да ја поврзе евентуалната победа на партијата со излегувањето на Грција од еврозоната. „СИРИЗА не ја уценува Европа со терористички сценарија и со евентуалната победа на изборите опозициската партија ќе биде призната од цела Европа како прекрасна можност за преразгледување на тековната политиката на строги економски мерки“, стои во документот.. Според резултатите на анкетата, објавени на 4 јануари, СИРИЗА може да победи на парламентарните избори во јануари годинава.