Синдикатите бараат итен избор на ревизор за да се заштитат јавните пари од масовно предизборно трошење

Добивај вести на Viber

Синдикатоте бараат итен избор на главен државен ревизор, кој веќе не е избран две години, за да се заштитат парите од буџетото од масовно и неконтролирано трошење пред вонредните парламентарни избори во април.

Ова барање Синдикатот на финансиските дејности на Македонија (СФДМ) и Сојузот на синдикатите на Македонија (ССМ).денеска го упати до Владата и Собранието. Од таму велат дека итно треба да се спроведе постапка за избор или назначување вршител на должноста главен државен ревизор со што би се обезбедил основниот предуслов за континуитет во извршувањето на законските функции на Државниот завод за ревизија и заштита на правата од работен однос на вработените.

Бо моментов Заводот за ревизија нема директор, а од неодамна е и без заменик, така што без раководство неможе да функционира, односно да го контролира работењето на државните органи, општините, јавните претпријатија и на политичките партии. Во моментов процесот во собраниската Комисија за именување е закочен, а од друга страна од јануари се најавува техничка влада на 100 дена пред избори.

СФДМ и ССМ сметаат дека како се наближуваат предвремените парламентарни избори така се намалуваат шансите за главен државен ревизор и изразуваат поддршка на  барањата на вработените на ДЗР за итно надминување на неодржливата состојба со немање законски застапник.

Ревизијата од 4 октомври е практично без управител и еблокирана во извршувањето на своите активности пропишани со закон.

- Штетните последици од ваквата состојба се: неможност за целосна реализација на програмата за ревизија за 2019 година, недоставување на конечните ревизорски извештаи од веќе извршените ревизии и/или ревизиите коишто се во тек, недонесување на планот за ревизија за 2020 година, неможност за подмирување на режиските трошоци на ДЗР, неможност за остварување на правата од работен однос на вработените при што нема да може да се исплати плата, надоместоци и додатоци, пензионирање и сл., со што вработените би биле надвор од системот на пензиско и социјално осигурување, стои во соопштението, сметаат синдикатите.