Добивај вести на Viber
Новиот шеф на „Сименс“, Џо Кезер најави дека во рамките на програмата за штедење ќе бидат укинати 15.000 работни места ширум светот, информира Дојче Веле.
Во Германија треба да бидат укинати 5.000 работни места, рече портпарол на концернот. Тој исто така соопшти дека за околу половината од 15.000 работни места веќе била постигната спогодба за порамнување на интересите со претставниците на работниците. Исто така и за останатите ситуацијата е веќе разјаснета.
- Преговорите се завршени. Процесот треба да заврши есента 2014 година - изјави портпаролот.
Во „Сименс“ неодамна дојде до промена на раководните функции во концернот. Надзорниот одбор го отпушти дотогашниот шеф Петер Лешер и го именуваше членот на управниот обор одговорен за финансии, Џо Кезер, за негов наследник. Под раководство на Лешер се намали обртот на концернот, додека програмата за штедење „Сименс 2014“ предизвика дополнителни трошоци.