СИЛЈАНОВСКА ДАВКОВА: Формулацијата 20 oтсто за албанскиот јазик не треба да се менува
Објавено во: Македонија 09 Април, 2024
Формулацијата 20 oтсто за албанскиот јазик не треба да се менува, вели претседателската кандидатка Гордана Силјановска Давкова.
Таа во емисијата Аргумент плус изјави дека во Рамковниот договор не случајно стои 20 отсто и тие не се однесуваат само на албанскиот јазик.
„Во амандманот 5 на локално ниво се однесува и на останатите јазици. Не случајно е одбрано 20 отсто и тоа не е наметнат македонски предлог, тоа е од Меѓународната заедница. Во другите земји, тој процент е поголем. Ако е дел од Рамковниот договор, а таму не смееше ништо да се смени, иако сега е дел од Уставот. Не мислам дека ова треба да се менува и сосема е јасно дека тоа е албанскиот јазик на државно ниво и другите јазици на локално ниво. Законот за употреба на јазиците е ужасен, неуставно донесен, со неуставни решенија, може да се направи некоја ревизија, да се посегне по друго решение и Уставот не треба да се менува“, вели Силјановска Давкова.
Таа рече дека се смешни обвинувањата дека потписите кои беа собрани за нејзината кандидатура од граѓаните биле дупли или се фалсификувани.