Добивај вести на Viber
Унгарскиот министер за надворешни работи, Петер Сијарто, истакнал дека неопходно е да се изнајде алтернатива за стабилно обезбедување на средна Европа со гас по откажување на реализацијата на проектот „Јужен тек“.
Според него една од алтернативните можности е изградма на гасовод кој преку териториите на Грција, Македонија и Србија ќе стигне до Унгарија.
Целта според него на изнаоѓањето на алтернативно решение е обезбедување на предвидените количини на гас што претходно беа планирани со „Јужен тек“.
„ Ваквото решение ќе се разгледа за десетина дена и со претставници на Турција низ чија територија треба да минува новиот гасовод што го договорија Москва и Анкара како алтернатива на „Јужен тек“ – рече Сијарто по вчерашната средба со потпретседателката на српската Влада Зорана Михајловиќ во Белград.
Шефот на унгарската дипломатија најави дека во почетокот на следната недела ќе побара Европската комисија во својот инвестициски пакет да испланира и проект за унапредување на енергетската безбедност на регионот.