Штрајк на вработени му се заканува на Амазон на „Black friday“

Добивај вести на Viber

Гигантот во онлајн трговијата Amazon се соочува со тежок Црн петок во Италија и Германија, каде персоналот на дистрибутивни центри на компанијата ќе штрајкува денес, пренесоа агенциите.

Во Италија ќе биде погоден големиот дистрибутивен центар чии вработени ќе инсистираат на подобри плати и работни услови во еден клучен ден на продажба.

Исто како и остатокот од Европа, во последните години и Италијанците ја прифатија американската традиција за големи попусти во денот по Денот на благодарноста - Црн петок.

Според информација на водечките италијански синдикати над 500 работници од објектот во Кастел Сан Џовани, во северната провинција Пиаченца, нема да ги извршуваат своите должности од 6 часот. Од утрото во петокот до 6 часот наутро во саботата.

Во изјавата синдикатите ја критикуваат американската мултинационална компанија за тоа што одбива да преговара за повисоки плати и бонуси и покрај "огромниот раст" на Amazon на италијанскиот пазар, на кој работи седум години.

"Има пари за редистрибуција", велат синдикатите.

Во Германија синдикатот Verdi соопшти дека вработените од шест дистрибутивни центри исто така ќе штрајкуваат како дел од долготрајниот спор околу платите и условите.

"Најголемиот онлајн синџир на малопродажба во светот сака да постигне рекордни продажби на овој ден, но вработените треба да се платат рекордно не само во овој ден, за да може сè да врви како Amazon што сака", коментира Стефани Нутценбергер, член на Одборот на Верди.