Што пишуваат бугарските медиуми за „бугарското малцинство“ во Албанија?
Објавено во: Балкан 15 Февруари, 2017
ЕП го лути Скопје, ќе ги заштити Бугарите во Албанија. Во Македонија се загрижени дека Македонците во Албанија ќе бидат прогласени за Бугари, пишува бугарската Нова тв.
Европскиот парламент ја усвои резолуцијата за Албанија, во која по предлог на бугарските европратеници Андреј Ковачев и Ангел Џамбаски беше вклучен текст кој ги потврдува правата на бугарското население во Мала Преспа, Голо Брдо и Гора. Во документот се препорачува бугарското малцинство да биде признаено во законодавството на земјата и да му бидат гарантирани права во пракса, пренесува Нова тв.
Бугарската новинска агенција „Фокус“ објави материјали кои според нив, покажуваат дека бугарски села од многу одамна имало во Албанија.
Се повикуваат на публикација, која излегла во март 1993 година во месечното општествено-културно политичко издание „Отец Паисиј" - „Бугарски села во Албанија" од бугарскиот револуционер, општественик и политичар, истакнат деец на бугарското национално-ослободително движење во Македонија, Сребро Поппетров.
„Два до три километри јужно од градот Корча, под планината Пепелаш се распоредени речиси едно до друго двете големи, убави и целосно бугарски села Бобошица и Дренови. Бобошица брои 250 куќи со околу 1.200 лица, а Дренови 150 куќи со околу 900 лица“ - пишува „Фокус“.
Подолу се наведува дека овие луѓе меѓу себе зборувале на бугарски јазик.
Се споменуваат и специфични зборови од јазикот кој луѓето во селата во Албанија го зборувале.