Што на Словачка и донесе воведувањето на еврото?

Добивај вести на Viber

Преминувањето на Словачка на евро, во јануари 2009 година, и покрај големото „баук“ поскапување, ги зголемило цените се на се, за около 0,15 отсто, покажаа пресметките на Народната банка на Словачка. „Еврото нема никакво директно влијание на формирањето на цените во некои земји. Под услов да не се менува стапката на инфлација, сите измени во цените зависат од трговците и од психолошкото влијание на луѓето“, изјави за „Правда“, директорот на Саксо банк за средна и источна Европа, Карол Пиоварчи. Тој, како типичен пример на поскапување, кое е поврзано со воведувањето на еврото, го наведува обичајот на трговците да ги заокружуваат цените нагоре, а кај евтината роба и услуги тоа може процентуално значително да ја зголеми цената. Словачка, со новиот пропис, со кој се забранети неоснованите поскапувања и кампањи на потрошувачките здруженија во време на воведување на еврото во 2009 година, успеала да спречи масовно поскапување преку заокружување на цените, но некои роби и услуги, на пример, шолја кафе, леб или посета на фризер, навистина на тој начин поскапеле. „Тие поскапувања беа сепак концентрирани во помалите продавници и угостителски објекти“, вели економистот, Марек Шперлих. До значително поскапување дошло дури во 2011 година, кога ДДВ-то во Словачка беше зголемено за еден отсто. Словаците, како граѓаните, така и официјалните економисти, денес се уверени дека еврото и помогнало на Словачка да помине со помали турбуленции и стопански потешкотии низ кризата, од светската еконосмка, преку должничката во еврозоната. Сепак, 40 отсто од Словаците кога купуваат, се уште ги пресметуваат еврата во неважечките словачки круни. Словаците инаку, не стигнале да променат во евра дури 716,5 милиони словачки круни во метални кованици, а кога тие пари, кои Народната банка на Словачка ги менуваше до крајот на минатата недела, ќе се пресметаат, излегува дека на Словаците им пропаднале 24 милиони евра. Книжните банкноти централната банка се уште ги менува, неограничено долго, а Словаците и странците, се уште, според пресметките на Народната банка, држат кај себе околу 103 милиони евра во словачки круни.