Што купуваат Македонците најмногу од Интернет?
Објавено во: Економија 04 Јануари, 2018
Како што напредува технологијата така онлајн купувањето зема замав.
30% годишен раст во интернет купувањето регистрира статистиката на Народна банка според која скоро 85 милиони евра се трансакциите направени кон домашни и странски компании.
Што се купува најмногу?
Интернет купувачите најмногу пари даваат за облека, потоа следат спортската и електронска опрема а за домаќинките тука се производите за домаќинство.
Она што е пресудно кај интернет купувачите се пониските цени кои може да се начекаат многу често, а купувачите се со различни искуства.
Има такви кои купуваат редовно, но и такви кои порачуваат инцидентно. Сепак според познавачите од оваа област меѓу кои е и Катерина Ангеловска интернет трговијата се уште учествува со мал процент, или 2%, за разлика од развиените пазари каде учестувото е над 10%.