Што да направите ако ви го пробијат мејлот?!
Објавено во: Економија 11 Октомври, 2015
Освен што е исклучително непријатно, хакирање на вашиот личен мејл може да ви навлече сериозни проблеми.
Има, меѓутоа, неколку работи што можете да ги направите за да се заштитат вашите податоци и да спречите идни напади, пишува PC World.
Еве кои се тие:
1. Заменете ја лозинката
Првото нешто што треба да го направите е да се оневозможи пристапот на хакерите до Вашата сметка. За таа цел веднаш сменете ја лозинка, а стремете се новата да нема ништо заедничко со старата и да е можно подолга.
2. Информирајте ги контактите
Хакерите може да го користат вашиот email, за да шират малициозен софтвер преку e-mail на вашите контакти. Затоа треба да се испрати предупредување по е-мејл на сите ваши контакти, за да знаат дека ако добијат сомнителен мејл од вас, треба да го игнорираат и отстранат.
3. Проверете ги поставките
Хакери може да ги менуваат поставките за да имаат лесен пристап до профилот ви во иднина или за да ги пренасочат пораките кои ги добивате на друг профил. Треба да ги проверите поставките на мејл сметките и да бидете сигурни дека сè е во ред.
4. Користете двофакторна автентикација
Двофакторната автентикација (или потврдување на идентитетот на корисникот во два чекори) е дополнителен слој на безбедност додаден кон стандардните корисничко име и лозинка. Гледајте на користењето на двофакторна автентикација како на редовното заклучување на влезната врата на домот или на вашиот автомобил со клуч, по што го вклучувате и системот за тревожење. Идејата е дека напаѓачот може да ја компромитира една од вашите методи за идентификација, но најверојатно нема да биде во можност да се справи со двете. Напаѓачите обично бараат лесни цели и избегнуваат да го инвестираат своето време во сложени активности.
5. Скенирајте го вашиот компјутер за вируси
Ако мислите дека е-мејл сметката ви е пробиена, исклучително важно е да дознаете дали вашиот компјутер не е инфициран со малициозен софтвер.
6. Проверете дали и друга ваш сметка не е компромитиран
Многу е веројатно пораките кои ги чувате во вашиот inbox, да содржат информации кои ќе им помогнат на хакерите да дојдат и до други ваши сметки. Одвојте си го потребното време и бидете сигурни дека сите ваши профили се безбедни. Ако сте ја користеле истата лозинка за неколку ваши сметки, побрзајте да ја поправите оваа грешка.