Добивај вести на Viber
Хрватскиот премиер Зоран Милановиќ, незадоволен од реакциите на српските власти на ослободувањето на лидерот на српските радикали Воислав Шешељ, одлучи да го откаже учеството на самитот на шефови на држави и влади од Централна и Источна Европа со Кина, што ќе се одржува во Белград.
Наместо него, во Белград ќе патува министерот за сообраќај и инфраструктура Хајдаш Дончиќ, а неговиот престој во Србија „нема да има никаков политички призвук“, пишуваат хрватските медиуми.
Миланович во блиска иднина нема да се сретне со српскиот премиер Александар Вучиќ, кој вчера остро реагираше на резолуцијата на Европскиот парламент за преиспитување на условите за ослободување на Шешељ, донесена на иницијатива на Хрватска.
Загреб смета дека Вучиќ и српскиот државен врв не реагирале соодветно на ослободувањето на Шешељ и неговите провокативни изјави дадени потоа, па додека не се дистанцираат од лидерот на радикалите, средбата на двајцата премиери не би имала преголема смисла.
На самитот во Белград, шефови на држави и влади од земјите од Централна и Источна Европа е предвидено да се сретнат со кинескиот премиер Ли Кечијанг. Тој најави дека во регионот доаѓа со сериозни планови за зголемување на кинеските инвестиции во инфраструктурни проекти.