Шампион во кревање тегови загина на ерменската страна во борбите во Нагорно Карабах
Објавено во: Свет 05 Октомври, 2020
Повеќекратниот државен шампион во кревање тегови Татул Харутијан (33) е убиен во борбите во Нагорно Карабах.
Веста за смртта на Харутијан е објавена на Фејсбук.
„Со голема тага известуваме дека при борбите бил убиен член на АПФ, повеќекратниот шампион на Ерменија и добар пријател Татул Харутјан. Почивај во мир, хероју“, стои во соопштението.
Ерменија и Азербејџан пред десетина дена се обвинија едни со други за прекугранични напади, а двете земји го отфрлаат притисокот од меѓународната заедница да одржат мировни преговори за регионот Нагорно Карабах.
Двете земји пријавија прекугранични престрелки западно од отцепената област Нагорно Карабах.
Баку овој викенд објави дека вториот по големина азербејџански град Гања е гранатиран од ерменска страна, а Ереван тврди дека азербејџанските сили го гранатирале Степанакерт, голем населен центар во Нагорно Карабах со мнозинско ерменско население.
Судирите започнаа на 27 септември.
Пејачот Елтон Џон се вклучи во акцијата за поддршка на Ерменија во конфликтот во Нагорно Карабах, објавувајќи црвен квадрат и хаштагот #PeaceForArmenians на неговиот Инстаграм профил.
Тој ја посетил Ерменија во 2018 година и дека е „изненаден од љубезноста и хуманоста“ на луѓето.