Добивај вести на Viber
Изолираната Северна Кореја од неделава лансираше нов туристички портал, чија цел според најавите е да го зголеми бројот на странски туристи што ја посетуваат земјата.
Но, ако не го познавате севернокорејскиот јазик, користењето на овој портал
dprktoday.com ќе ви биде вистински кошмар. Секако можете визуелно да се ориентирате по фотографиите на страниците, но и таму изборот е чуден - од фотографии со лансирање ракети во Вселената до слики на куче кое гледа во непознат правец.
Со оглед на тоа што во октомври е воведена и забрана за влез на странски туристи во Северна Кореја за да се спречи евентуално ширење на вирусот на ебола во оваа земја, туристичката индустрија таму е практично на колена.
Од друга страна, и кај странските туристи се води дебата за тоа дали е етички да се посети Северна Кореја, со оглед на тоа што парите од туризмот одат кон режим за кој се верува дека спроведува репресија врз своите граѓани.
Обединетите нации неодамна усвоија одлука раководството на Северна Кореја да се пријави пред Меѓународен суд заради тешки злосторства против човештвото, кои вклучуваат и растечки систем на логори, мачења, убивања и изгладнување на населението.