Секоја минута една полициска казна: Полицајците во Гостивар во акција
Објавено во: Македонија 26 Септември, 2020
Министерството за внатрешни работи покрај на територијата на главниот град Скопје, почнало со спроведување на засилени акциски контроли за санкционирање на непочитувањето на сообраќајните правила и прописи и во другите градови. Денеска во во Гостивар само за еден час биле изречени 60 санкции.
„Се санкционираат сите сообраќајни прекршоци, а особено оние кои што се најчеста причина за сообраќајни незгоди со тешки последици, како што се управувањето на возило под дејство на алкохол, возење со брзина над дозволената, недавањето првенство на минување на возила и пешаци. Само за еден час во денешната акциска контрола во Гостивар изречени 60 санкции, пред се за нерегистрирани возила, возење без возачка дозвола, рече Тони Ангеловски, портпарол на МВР.