Секое чудо за три дена: Јавноста го заборави Груевски
Објавено во: Македонија 11 Декември, 2018
Помина еден месец, а јавноста веќе го заборави бегството на поранешниот премиер Никола Груевски во Унгарија и скандалозното добивање на азил во таа земја непосредно пред одлежувањето на затворската казна од две години за случајот „Тенк“.
Унгарските медиуми се помалку известуваат за ситуацијата на долгогодишниот лидер на ВМРО-ДПМНЕ, а унгарските институции се уште не испратиле одговор на македонското барање за екстрадиција.
-Нема рок за одговор или екстрадиција на осудено лице, велат од Министерството за правда. Но во претходните искуства со екстрадиција на осудени лица Унгарија како она од септември, на пример, се решавало многу бргу. Сепак, случајот со Груевски е многу специфичен бидејќи станува збор за лице, поранешен премиер, кој има добиено политички азил во оваа земја членка на Европската унија.
Министерството за правда на Република Македонија барањето за екстрадиција го поднесе на 20 ноември оваа година до надлежното унгарско Министерство за екстрадиција, но истиот ден Груевски во статус на својот Фејсбук профил објави дека добил политички азил во Унгарија.
Министерката за правда Рената Дескоска очекува дека Унгарија како земја членка на Европската унија при носењето на одлука за екстрадиција на поранешниот премиер Никола Груевски ќе се води по европските стандарди и конвенции.
– Наше право е да побараме екстрадиција и според меѓународните важечки документи имаме право и да добиеме екстрадиција. Право на унгарските власти е да одлучат на начин кој сметаат дека треба да одлучат, но јас очекувам Влада, која е земја членка на Европската унија, при носењето на одлуки да се води по европските стандарди и конвенции, особено Европската конвенција за екстрадиција којашто сме ја потпишале и ратификувале и ние и Унгарија, изјави Дескоска, одговарајќи на новинарско прашање пред денешната дебата за Предлог-законот за судови.
Во Унгарија засега нема релевантен сведок кој би потврдил дека го видел Груевски со очи. Во меѓувреме, на Груевски во отсуство му се изречени неколку мерки притвор, но притворени се и негови сопартијци и обвинети во дела за кои и тој е обвинет, како Миле Јанакиевски, Кирил Божиновски…
Последен пат избегалниот поранешен македонски премиер и се обрати на македонската јавност токму преку тој Фејсбук статусот од 20 ноември.
Можеби ќе ве интересира
МАСКИРАН СО „ФАНТОМКА“ ВЛЕТАЛ ВО КАЗИНО СО АВТОМАТСКА ПУШКА - украл над 300 илјади денари, еве ги деталите
„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби
СЛАВЧО ПОПОСКИ ВЕЛИ ВИКЕНДОВ МОЖЕ ДА СЕ ПРАВИ СКАРА: Температурите ќе растат, во недела до 27 степени
„СОНЦЕТО ИЗГРЕА И Е УБАВ ДЕН ЗА ТУЖЕЊЕ“: Адвокатот Јанаки ќе го тужи Горан Костовски од Левица
ПОЧИНА ЕДЕН ОД ОМИЛЕНИТЕ ПРОФЕСОРИ НА МАКЕДОНСКИТЕ АКТЕРИ ШТО СТУДИРАЛЕ ВО СОФИЈА, АЛЕКСАНДАР ИЛИЕВ: „За сите кои бевме дојдени од странство се грижеше како за свои деца“
„ЗА РАЗЛИКА ОД МЕНЕ, ТИЕ ПРЕД ОЧИТЕ НА ЦЕЛА МАКЕДОНСКА ЈАВНОСТ ИЗЛЕГОА ВО АЛКОХОЛИЗИРАНА СОСТОЈБА“:Јакимовски му возврати на Муцунски за малиот број гласови на Стевчо
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
АНДРЕЈ ПЕТРОВ:Признаваме дека ВМРО ДПМНЕ направи подобар резултат
ОСМАНИ ПОБЕДИ ВО БЕРЛИН И МИНХЕН, ПЕНДАРОВСКИ ВО ВАШИНГТОН, А ТЕСНА БИТКА СЕ ВОДЕЛА МЕЃУ СИЛЈАНОВСКА И ВАНКОВСКА ВО ЉУБЉАНА: Како гласаше македонската дијаспора?
