Административците кои седат дома нема да добијат К-15.
Годишен регрес нема да добијат ниту административците кои беа вработени според Рамковниот договор, а кои сè уште не се распределени и седат дома.
„Апсолутно ќе се погрижам да не важи за нив колку и колективниот договор да вика така, ќе најдеме формулација заедно со синдикатот и со надлежните институции да не важи за овие луѓе, нормално ќе важи ако прифатат прераспределба“, вели министерот за администрација и информатичко општество, Дамјан Манчевски.
Тој објасни дека вработените во образованието и здравството добија поголеми плати што е многу поголема добивка за разлика од еднократниот годишен регрес што треба сега да го добијат дел од вработените во државен сектор.
Пред два дена, Владата на седница донесе одлука со која се овозможува и администрацијата да добива К-15.
Околу 17.700 административци годинава ќе земаат К-15, а повеќе од 2.000 ќе бидат изоставени.
Пеце Грујовски, првиот човек на УПОЗ, вели дека регресот за вработените во државната управа ќе изнесува најмалку 9.000 денари.