Се урна бугарски воен хеликоптер, почина пилотот
Објавено во: Балкан 10 Јуни, 2017
Еден од пилотите на бугарскиот воен хеликоптер кој вчера се урна во водите на Црното Море при воена вежба почина од повредите во Воената болница во Варна.
Другите двајца се исто така повредени, но се во стабилна состојба, објавија бугарските медиуми.
Хеликоптерот „Пантер“ пред да се урне имал мал судир со еден од бојните бродови што учествувале на воената вежба „Черно море 2017“ во моментот кога хеликоптерот вртел за да фати правец кон авиобазата „Чајка“, по што паднал во морето.
Во тој момент во леталото покрај сега покојниот пилот-капетан Георги Анастасов (38), биле и негови искусни колеги, на возраст од 49 и 50 години.
Кога бил донесен на военото пристаниште на пат кон Воената болница во Варна, Анастасов не дишел и бил во длабока кома. И покрај реанимацијата, лекарите не успеале да го спасат. Другите двајца пилоти-капетани се во стабилна состојба, но со проблеми со белите дробови, оти вдишале од чадот и гасовите од пожарот на хеликоптерот.
Се води истрага за причините за несреќата.
Можеби ќе ве интересира
ВЕРОЈАТНО СФАТИ ДЕКА ЖИВОТОТ ЌЕ ГО ПОМИНЕ ЗАРОБЕН - Коста Кецмановиќ падна во депресија, не сака да разговара со никого
ЕВЕ КАКО БЕШЕ ПРЕЧЕКАН ЕДИ РАМА ОД АЛБАНСКАТА ЗАЕДНИЦА ВО АТИНА - реакции во грчките медиуми
ДЕНЕС ИСТЕКУВА РОКОТ ЗА КОРИСТЕЊЕ ДИНАРИ ВО КОСОВО - од утре смее да се плаќа само со евра
ОГЛАС ЗА ПРАЗЕН СТАН ГИ БРАНУВА СОЦИЈАЛНИТЕ МРЕЖИ ВО СОСЕДСТВОТО: 500 евра, па колку би чинел станот ако е наместен?!
„Сè уште ги слушам криците на децата и мајките кои усташите ги раздвојуваа“ - Јелена ја преживеа голготата на Јасеновац
Американската амбасада на листата даночни должници во Црна Гора
ЗА ДАЛИБОР ДРАГИЈЕВИЌ КОЈ ПОЧИНА: Внатрешната контрола на полицијата бара суспензија на тројцата полицајци
ЗА УБИСТВОТО НА ДАНКА: Oсомничените можат да се спасат од „тешки“ казни
