Се урбанизираат парцелите кои ќе се продаваат преку проектот „Купи куќа за млади“
Објавено во: Економија 22 Јуни, 2016
Катастарот и негови тимови стартуваа со теренски активности на повеќе локации за подготовка на ажурирана геодетска подлога со што стартува урбанизацијата на парцелите коишто ќе се продаваат преку проектот „Купи куќа за млади“ со почетна цена од евро за метар квадратен.
Во вкупно 36 општини на површина од 700 хектари ќе се изготуваат геодетските подлоги кои потоа ќе бидат доставени до Агенцијата за просторно планирање која понатаму треба да ги изготви урбанистичките планови, општините да ги усвојат на советите за да можат да се понудат на продажба од евро за метар квадратен.
Станува збор за општините во Скопје, Битола, Гевгелија, Пробиштип, Охрид, Велес, Берово, Василево, Босилово, Ново Село, Свети Николе, Лозово, Кавадарци, Штип…Останатите 30 локации ќе ги урбанизира Министерството за транспорт и врски.
Преку проектот „Купи куќа за млади“, младите до 35 години можат да добијат до 33.000 евра субвенции – неповратни средства од Владата за купување, изградба или надградба на куќа.