Се појави држава која повикува на преговори меѓу Израел и Палестина, но да се вклучат и четири други земји
Објавено во: Свет 16 Мај, 2021
Москва им предложи на Израел и Палестина да преговараат во Русија.
Претседателот на комитетот за меѓународни работи на Руската државна дума, Леонид Слуцки, изјави дека официјална Москва е подготвена да им понуди на Израел и Палестина да водат преговори. Русија предлага да се формира малку поинаков „квартет“ во преговорите, во кој би биле вклучени и земјите од Блискиот Исток. Тие сметаат дека покрај Израел и Палестина, треба да се вклучат и оние арапски земји што имаат дипломатски односи со Израел - Египет, Јордан, ОАЕ и Саудиска Арабија.
Израелските авиони и денес продолжија со воздушните напади во Појасот Газа, а припадниците на Хамас возвратија. Палестинците денес пријавија 11 загинати на окупираниот Западен брег во судири меѓу демонстрантите и израелските безбедносни сили. Од понеделникот во Појасот Газа се убиени 139 луѓе, од кои 39 малолетни лица и 22 жени. Во судирите 950 луѓе се повредени, соопштија палестинските здравствени власти. Секој неселективен напад врз цивилни и медиумски структури го крши меѓународното право, вели генералниот секретар на ООН Антонио Гутереш. Светот се подели. Муслиманските земји даваат поддршка на Палестинците, а европските земји на Израел.