22 Септември, 2021
0.0214

СЕ Е СТОПИРАНО: Блокадата на Италија крах за македонската чевларска и кожарска индустрија

Објавено во: Економија 11 Март, 2020

Македонската чевларска и кожарска индустрија ќе биде една од најпогодените во првиот удар од ширењето на коронавирусот во Европа. Цела Италија впрочем е изолирана од светот, а со тоа е недостапна и за македонските партнери - чевларски и кожарски фабрики кои креираат најголем дел од извозот кон оваа земја од Македонија. Речиси сите вакви фабрики од Куманово, од Источна Македонија работат со италијански партнери, а сега пазарот им е сосем недостапен. За Фактор сведочат дека суровините од Италија веќе се стопирани, а оневозмежени се и да ги испраќаат готовите полупроизводи или производи таму. Финансиските штети не можат да се предвидат сега особено што нема ни претпосатвки колку ова може да трае и како ќе се шири заразата понатаму. Се стравува за огромни загуби.

„Ние досега работевме, но од вчера не. Нашите партнери се од Јужна Италија, па со оглед на тоа што прв беше изолиран северот на земјата ние до сега имавме нарачки, а завчера пристигна и камион со суровини. Сепак имаме за работа уште малку. Денеска треба и официјално да добиеме известување дека работата се прекинува. За среќа ние имаме магацини во Србија па земавме материјали од таму, а некои фабрики од Куманово кои прават готови производи односно произведуваат чевли а немаат посредник веќе добија известување дека се е стопирано во следните две недели, вели Лидија Милановска од Де Марко, претседател на здружението на чевлари.

Од четириесетина фабрики од кумановско, 90 отсто работат со Италија. Годишно Македонија во Италија извезува 300.000 пара чевли. Де Марко работи со материјали од таму. но прави полупроизводи односно овде се шијат делови за члевли, но има компании од Македонија кои прават и готови чевли. На сите им се заканува блокада. 

Вкупната трговска размена со Италија лани била 721 882 милиони долари. Во Италија најмногу се извезуваат делови за чевли, печки за загревање и рудите феросилициум и феро-никел. А дури 80 отсто од нашето производство завршува на европскиот пазар. Рецесија таму за нас е катастрофа. Претседателот на Стопанската комора Бранко Азески вели дека тоа ќе има влијание за нашата економија. 

„Економијата е подложна на удари од страна, од сите сегменти на општеството. Тоа е мерливо и се одразува директно врз платниот биланс на компаниите. Се ова што го работиме ќе биде помножено со нула ако не сме во состојба да ги регулираме и другите односи со кои се соочуваме секој ден, вели претседателот на Стопанската комора на Македонија, Бранко Азески.

Александра Томиќ


Можеби ќе ве интересира

Белорусија купи компири од Македонија затоа што нивните биле скапи

Белорусија купи компири од Македонија затоа што нивните биле скапи

КАКОВ РАСПЛЕТ ЌЕ ИМА ЗА ТАРГЕТ ГРУП: Обвинителството е на потег

КАКОВ РАСПЛЕТ ЌЕ ИМА ЗА ТАРГЕТ ГРУП: Обвинителството е на потег

ЌЕ ИМА ПЕНЗИИ ОД ИДНИОТ ВТОРНИК - еве по кој редослед ќе се исплатуваат

ЌЕ ИМА ПЕНЗИИ ОД ИДНИОТ ВТОРНИК - еве по кој редослед ќе се исплатуваат

КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

МУ СЕ БЛИЖИ ЛИ КРАЈОТ НА ДОЛЖНИЧКОТО РОПСТВО - долговите ќе застаруваат по одреден рок, а и затезната камата нема да смее да биде повисока од главницата?

МУ СЕ БЛИЖИ ЛИ КРАЈОТ НА ДОЛЖНИЧКОТО РОПСТВО - долговите ќе застаруваат по одреден рок, а и затезната камата нема да смее да биде повисока од главницата?

Со законски измени до повеќе пари во општинските каси

Со законски измени до повеќе пари во општинските каси

Следниот месец ќе има голем скок на вредноста на биткоинот

Следниот месец ќе има голем скок на вредноста на биткоинот

Статистика објави дека просечната плата изнесува 28.540 денари

Статистика објави дека просечната плата изнесува 28.540 денари

ЦЕЛ ДЕН НА КОМИСИЈА НЕ МОЖЕ ДА ПОМИНЕ НЕДЕЛА НЕРАБОТЕН ДЕН - МТСП бара пратениците од опозицијата да не ја кочат расправата

ЦЕЛ ДЕН НА КОМИСИЈА НЕ МОЖЕ ДА ПОМИНЕ НЕДЕЛА НЕРАБОТЕН ДЕН - МТСП бара пратениците од опозицијата да не ја кочат расправата