Се бара промена на името на Република Српска
Објавено во: Балкан 23 Јануари, 2019
Се бара менување на името на Република Српска.
СДА информираше дека преку претставници во институциите на БиХ ќе покрене правна процедура пред Уставниот суд на БиХ заради преиспитување на називот на Република Српска.
Партијата оцени дека „врзувањето на името со што и да е во мултиетничка заедница каква што е БиХ за само еден народ, по принципот на етничка привилегираност е спротивно на Уставот на БиХ и Европската конвенција за човекови права која е надредена во Уставот на БиХ“.
Според Уставот, додаваат, сите три конститутивни народи се рамноправни на целата територија на земјата, вклучително и двата ентитети и Дистриктот Брчко.
„Долгогодишната пракса на институциите на власта на ентитетот РС покажа дека досегашниот назив на ентитетот РС инетензивно и ефикасно е користен всо цел дискриминација и исклучување на другите два конститутивни народи – Бошњаците и Хрватите“, стои во соопштението СДА.
СДА наведе дека РС постои според Уставот на БиХ како мултиетнички ентитет, во кој сите народи мора да имаат исти права.
фото Википедија