Се бара да се тргне големото знаме на Албанија што општина Чаир го постави на својата фасада
Објавено во: Македонија 30 Ноември, 2019
Политичката партија „Глас за Македонија“ побара да се тргне големото знаме на Албанија кое општина Чаир го постави на својата фасада во знак на поддршка на настраданите од силниот земјотрес.
„Ако во Охрид имаше отстранување на знамето на соседна држава од тврдината и санкции за чинот, бараме под итно да се постапи на истиот начин и во овој случај. Не е дозволено вакво евтино покажување на сила од ниту една етничка заедница. Вака не се гради взаемно разбирање и почит за кое нашата партија се залага, туку се разградува“, реагираат од партијата.
Од таму додаваат дека треба стриктно да се почитува Законот за употреба на државни симболи, и како што велат од таму, без отстапки за никого.
„Ги повикуваме властите итно да постапат според закон!“, се наведува во соопштението на „Глас за Македонија“.