Саздовски од Аероклуб Скопје: Против комарци го користиме средството на „Баер“
Објавено во: Македонија 24 Август, 2020
Дејан Саздовски, претседателот на Аероклуб Скопје, кој во последните три години е ангажиран од градската управа да запрашува против комарци, во вестите на Канал 5 вели дека средството, за кое граѓаните на социјалните мрежи се жалат дека не е ефикасно, е прпизведено од фармацевтскиот гигант Баер и дека никој до сега не го оспорил.
„Инсектицидот кој го доставува Град Скопје е од Баер, сите знаеме кој е Баер. Тоа енајмодерното средство за прскање комарци и никој не може да го оспори квалитетот до сега. Количините се строго утврдени од производителите. Новите средства се нанотехнологии кои таргетираат само комарци. Тие се чувари на животна средина и инсектите кои се добри за животната средина. Тие средства кои ги убивале сите инсекти се користеле пред 20 години и мислам дека ива треба да биде последен збор за оваа тема“, вели Саздовски, запрапан за ефикасноста на средството.
Градот Скопје денеска ги извести граѓаните дека поради денешното влошување на временските услови и најавите за нестабилност во текот на утрешниот ден, најавеното авионско прскање против комарци за 25.8.2020 година (вторник) се одложува за наредниот ден. Поточно, вонредната авионска дезинсекција на подрачјето на градот Скопје, против возрасни форми на комарци, ќе се реализира на 26.8.2020 година (среда) и на 27.8.2020 година (четврток), во раните утрински часови.
Саздовски додаде дека в среда ќе се прска во 05.00 часот изутрина и дека средството е поефикасно после, отколку по дождот. Додава дека аероклубот работи секоја година по иста програма, а оваа е зголемена за две прскања против ларви над водени површини околу Скопје
„Сите гледачи со паметни телефони и интернет во реално време може да го следат авионот како лета преку аплкикација во реално време, како се движи и каде поминал, тоа се однапред предвидени траектории на Град Скопје и пошироката околина, каде што има поголеми блата и поголеми услови за создавање на комарци“, вели Саздовски.