Само 74 000 нови работни места откриени во САД во декември

Добивај вести на Viber

Новоформираните работни места во САД достигнаа едвај 74 000 . Ова се покажа значително под просекот на очекувањата на аналитичарите за 200 000 нови работни места во најголемата светска економија. Во исто време, стапката на невработеност се намалила до 6,7 % во изминатиот месец , покажаа податоците. Невработеноста е најниска од октомври 2008 година наваму, а резултатот се покажа значително подобар од просечните очекувања на пазарот за 7% . Тоа беше најслабиот раст во вработувањето од јануари 2011 година и индикација за одложување на пазарот на трудот . Повеќе од четвртина милион Американци не биле на работа поради арктичкиот студ кој ја погоди земјата. Ова е најголем број од декември 1977 година , според податоците на Министерството за труд. Според стручњаците, работодавачите очекуваат понатамошни докази за раст на американската економија , пред да продолжат со регрутирање на нови работници . Слабите податоци тераат многу од пазарните учесници да сметаат дека оптимизмот , кој ја зафати берзата, можеби е преголем , а економијата не е во толку добра форма како што сите очекуваат . Податоците исто така ги засилуваат шпекулациите дека ФЕД може да е многу слабо агресивен во укинувањето на стимулансите во споредба со сегашните очекувања.