САЕМ ЗА ВРАБОТУВАЊЕ: Работа се бара и со години-кој кадар е најбаран?
Објавено во: Економија 20 Мај, 2017
Занаетчиите, програмери, бранкарските работници се најбаран кадар .
Ова станува јасно од саемот за вработување каде 60-тина компании земааt учество и ги понудија своите фирми за работа.
Оние кои се во потрага по работа во наредните месец дена можат да добијат информација што се бара на пазарот, да ги дознаат дејностите на фирмите и висината на плата зависно од секторот, и имаат можност да ги остават своите CV биографии.
На саемот нашата екипа сретна невработени и такви кои со години бараат работа.
„Дојдовме да си ја пробаме среќата на овој саем. Со години сме без работа а во внатрешноста е многу тешко, бидејќи и платите се многу помали за разлика од Скопје. Бараме било каква работа на која ќе не третираат достојно“, велат граѓани кои сакаа да останат анонимни.
Други велат ќе работат и како шофери, чувари, хигиеничари само да имаат подобра животна егзистенција.
Дел од работодавците потенцираа дека во недостиг од кадар се трудат новопримените работници да ги обучат. Посочуваат дека се тука за да ги понудат сите обуки на оние лица кои се во потрага по ново вработување, промена на работно место или преквалификација која сакаат да ја направат.
Надлежните и организаторите пак убедуваат дека саемите вродуваат со плод и дека многумина си ја нашле работата преку саемот за вработување.
Според директрот на Агенцијата за вработување настани од ваков вид се многу корисни за младите да можат да се информирани кој видови на занимања се побарувани и така да го насочат своето образованиеие или пак да побараат можност за да се доквалификуваат.