Добивај вести на Viber
Македонија, според компаративните истражувања, е апсолутен шампион во намалување и деградирање на работничките права и на трудовото законодавство, вели Артан Садику од левичарското движење „Солидарност“, во
неделното интервју на Радио Слободна Европа.
Според него, дополнителен чекор во таа насока се и последните законски измени со кои се воведува исплата на придонеси и за хонорарните договори и договори на дело.
„Фактот што во Македонија не е законски регулиран начинот на вработување со договор и договорот да биде обврзувачки на нето, а не на бруто плата, секогаш таквите промени на законот се во корист на работодавците. Во ваквиот случај она што ќе се случи е дека луѓето кои досега имале договори за хонорари и кои од брутото плаќале одреден процент за персонален данок, сега ќе мора да плаќаат 40 проценти од таа нето плата која би требало да ја добијат, со тоа целиот товар ќе падне на работниците, а не на работодавците, а знаме дека работодавците треба да ги плаќаат придонесите за нивните вработени“, вели Садику.
Тој потврдува дека се дискутира за идеите „Солидарност“ во иднина да прерасне и во политичка партија.