САД официјално ги обновуваат дипломатските односи со Куба

Добивај вести на Viber

Соединетите Американски држави во потполност ќе ги обноват дипломатските односи со Куба и ќе отворат амбасада во Хавана за прв пат по повеќе од половина век, соопштија во средата претставници од администрацијата на американскиот претседател, Барак Обама. Како што истакнуваат договорот паднал по 18 месечни тајни преговори. Обама веќе побарал од државниот секретар, Џон Кери, да го преиспита епитетот „спонзор на тероризмот“ кој до сега САД го употребуваа за Куба што и го препишаа во 1982 година. Со ваквиот тек на настанисе сега туристите од САД ќе може да патуваат во Куба по олеснета процедура, а истото ќе важи и за туристите од Куба кои ќе сакаат да ги посетат САД. Новинарите, истражувачите и владините функционери ос Америка од сега многу побрзо ќе добиваат виза. Целта е американските експерти да помогнат во јакнењето на приватниот сектор. На кубанскиот список за извоз ќе се најдат голем број производи како градежни материјали и земјоделска опрема. Американците со посебна дозвола ќе можат да увезуваат продукти во вредност од 400 долари, но вредноста на увезени цигари и алкохол од Куба нема да смее да ја надмине вредноста од 100 долари по увозник. На американците кои ќе патуваат во Куба ќе им биде дозволена употреба на кредитни и дебитни картички на територијата на целата земја. Како што е најавено, Куба со ваквата политика треба да доживее „технолошко процветување“, а софтверските и хардверските системи треба да направат голем пробив на нејзината територија. Наскоро се предвидува поврзување на САД и Куба по пат на интернет и телефонија.