САД изготви листа на кубански туристички атракции кои Американците не смеат да ги посетуваат
Објавено во: Економија 15 Ноември, 2018
Администрацијата на американскиот претседател Доналд Трамп додаде нови места за листата на туристички атракции во Куба што Американците не можат да ги посетат.
Меѓу 26-те додадени туристички атракции се хотелите во стариот дел на Хавана и скромните трговски центри во одморалиштата далеку од главниот град, објави Бета.
Посетата на Американците на сите овие објекти е забранета, бидејќи тие се во сопственост на кубанскиот воен конгломерат GAESA.
Патувањето во Куба е сé уште легално, а оваа островска земја во Карипското Море секоја година ја посетуваат стотици илјади Американци.
Сепак, санкциите го ослабуваат интересот на американските граѓани да ја посетат Куба, а оваа година е забележан пад на нивниот број.
Односите меѓу Куба и САД се влошуваат, рече кубанскиот претседател Мигел Дијаз-Канел во телевизиското интервју во септември, поканувајќи го американскиот претседател Доналд Трамп на дијалог заснован на взаемно почитување.
Кубанско-американските односи се подобрија во мандатот на американскиот претседател Барак Обама, но повторно се влошија со доаѓањето на Доналд Трамп откако актуелниот американски претседател повторно ги ограничи патувањата и ги шокираше сите со економското ембарго на САД кон соседната островска земја.
Можеби ќе ве интересира
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
ВАЖНО: Граѓани, проверете ја вашата даночна пријава за 2023 година
АЗЕСКИ СЕ СРЕТНА СО МАЈК ЗАФИРОВСКИ: Потребно е запирање на сивата економија
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
„СО БРАНЕ И РИЛИНД НЕ СЕ ПЛАШЕВ ОД НИТУ ЕДНА БИТКА“ - средба на Тевдовски со некогашните соработници
„Тиквеш“ ги претстави своите модерни практики пред учесниците на регионалната Винска летна школа
