Рускоска „го остави“ Заев без коментар
Објавено во: Македонија 21 Ноември, 2019
Претседателот на Владата не сака да ја коментира обвинителката Вилма Рускоска.
Ова Заев го кажа одговарајќи на новинарско прашање по изјавата на обвинителката , во кое се повика на извештајот на Прибе дека политичарите треба да избегнуваат коментари за одредени постапки на судии и обвинители.
Обвинителката ги налути судиите од Апелација кои по дрската СМС порака решија да ја објават во јавност.
Рускоска пишува дека ќе ги истресе од гаќи оние кои ја пуштиле Катица Јанева дома
„Заради судии како Вас, никогаш нема во ЕУ да влеземе. Ако не е твојот совет, се извинувам. Ама ако сте вие, ќе видите“, пишува во СМС-порака, како што соопшти Апелацискиот суд, која обвинителката Рускоска ја испратила до еден од членовите на Кривичниот совет на Апелација.
Меѓудругото од Апелациониот суд ја обвинија Рускоска за грубо мешање во работата на судот каде што јавното обвинителство е само странка во постапката.Имено, обвинителката Вилма беше предложена од премиерот за шефица на новото СЈО односно на Јавно обвинителство за организиран криминал и висока корупција а таа во моментов шефува во Јавното обвинителство за организиран криминал и корупција.