Рускоска - Јанева влезе во филмот на Чарлиеви ангели и мислеше дека никој ништо не и може

Добивај вести на Viber

„Имаше еден филм, Чарлиевите ангели, и имаше една госпоѓа, Катица Јанева, која влезе во тој филм, мислејќи дека никој ништо не и може. Но, влезе во мрежата на самонаречената естрадна звезда Бојан Јовановски, познат како Боки 13. Обвинителството ќе докаже дека тоа го правела од алчност и ние за тоа ќе презентира несоборливи докази. Со тоа не само што се посрамоти, и не само што ја злоупотреби функцијата специјален обвинител, туку и ја изневери довербата на и на граѓаните на Македонија. Ова го рече обвинителката Вилма Русковска за случајот Рекет по излегување од судница.

Таа е задоволна од првото рочиште, особено што воопшто почна. 

Според Рускоска, не е точно дека одела по ресторани со Боки 13.

„Се познавам само со неговата мајка, таа ми е генерација, се познаваме од прво одделение. Бојан Јовановски го запознав само кога гостував на 1ТВ, и кога беше прославата на телевизијата, и тоа е единствено мое ‚дружење' и седење по ресторани, друго нема“, рече Рускоска. 

За наводите на Јовановски дека камерите ќе покажат каде завршила ташната Луј Витон со парите, таа рече дека и за Обвинителството ќе беше и ќе биде подобро доколку се утврди каде завршиле парите. 

Доказитер што ќе ги презентира Обвинителството ќе докажат дека Јовановски ги сторил кривичните дела што му се ставаат на товар.

Според неа, Катица Јанева не е во ситуација моментално некому да порачува дали треба да се плаши или не.

За филмот Чарлиевите ангели, рече дека го гледала, а не ја гледала македонската верзија од документарецот што тие си го снимија за себе.