Русите се најчести гости - колку туристи ја посетиле Турција?
Објавено во: Балкан 27 Мај, 2023
Во првите четири месеци од 2023 година Турција ја посетиле повеќе од 11 милиони туристи.
Како што јавува Анадолија, станува збор за 11.093.247 посетители. Министерството за култура и туризам на Турција oбјави дека бројот на посети на странски државјани на оваа земја во првите четири месеци од 2023 година е зголемен за 27,51 отсто во однос на истиот период лани.
Најчести гости се Русите. Бројот на туристи од оваа земја во однос на минатата година е зголемен за 134,96 отсто и надминува еден милион. На второ место по бројот на туристи е Германија, од каде во првите четири месеци во Турција дошле нешто повеќе од милион луѓе или 18,74 повеќе од истиот период минатата година. На трето место е Бугарија, а потоа следат Иран и Велика Британија.
Албанија може да се пофали со 1.7 милиони гости во првите четири месеци годинава.foto freepik.com/gar1984